Монгол Улсад барилгын салбар үүсч хөгжсөний 91 жилийн ойн баярын хүрээнд “БАРИЛГА, ОРОН СУУЦ 2017” үзэсгэлэн яармаг 2017 оны 8-р сарын 25-наас 27-ны өдрүүдэд Мишээл экспо төвд зохион байгуулагдана. Үзэсгэлэн яармагт барилгын материал үйлдвэрлэгчид, импортлогчид, дэвшилтэт технологи нэвтрүүлэгчид, орон сууц, хот тохижилт, интерьер, экстерьерийн үйлчилгээ үзүүлэгчид, амины орон сууц барьдаг 130 гаруй компани оролцож, үйл ажиллагаагаа иргэдэд танилцуулдаг. Түүнчлэн арилжааны зарим банкууд оролцож, зээлийн шинэ бүтээгдэхүүн үйлчилгээнийхээ мэдээллийг хүргэнэ.

“БАРИЛГА, ОРОН СУУЦ 2017”  үзэсгэлэн яармагт хүрэлцэн ирснээр та бүхэн:

  • Шинэ орон сууцны үнэ ханшийг харьцуулан харах
  • Барилгын шинэ материал, дэвшилтэт технологи
  • Амины орон сууц барихад шаардлагатай зөвлөгөө мэдээлэл
  • Барилгын шилдэг бүтээгдэхүүн, үйлчилгээ
  • Интерьер, экстерьер заслын үйлчилгээ
  • Арилжааны банкуудын зээлийн үйлчилгээ, зөвлөгөө гээд олон төрлийн мэдээллийг нэг дороос авах боломжтой.

Тухайлбал, шинэ орон сууцны төсөл хэрэгжүүлэгч “Номин констракшн девелопмент групп”, “Орчлон констракшн”, “Алтай констракшн”, “Тэсо констракшн”, “Хангарьд Пропертийз”, “Монкон Пропертийз” зэрэг шилдэг бүтээн байгуулагчдын орон сууцнаас сонголтоо хийж, төлбөрийн уян хатан нөхцөл, зээл, урамшуулалд хамрагдах боломжуудыг эдлээрэй. Түүнчлэн барилгын материалын үндэсний үйлдвэрлэгчид, худалдаа эрхлэгчид, тоног төхөөрөмж нэвтрүүлэгчид бараа бүтээгдэхүүнээ танилцуулж, бартер, зээл гэгчлэн олон төрлийн төлбөрийн нөхцөлөөр худалдан авалт хийх саналыг тавьж байна. Үзэсгэлэн яармагийн хамтран зохион байгуулагчаар Барилга, Хот Байгуулалтын Яам, дэмжигч байгууллагаар Нийслэлийн Засаг Даргын Тамгын Газар, Барилгын Хөгжлийн Төв, Газар Зохион Байгуулалт, Геодези Зураг Зүйн Газар ажиллаж байна. Олон газраар явж цаг хугацаа алдаж, нэмэлт зардал гаргалгүйгээр барилгын бүх төрлийн мэдээллийг нэг дороос авах алтан боломж зөвхөн “БАРИЛГА, ОРОН СУУЦ 2017”  үзэсгэлэн яармагт бий.

Гуравхан өдрийн турш үргэлжлэх тус үзэсгэлэнд иргэд та бүхнийг хүрэлцэн ирэхийг урьж байна.