Монгол Улсад Барилгын салбар үүсч хөгжсөний 91 жилийн ойн хүрээнд “Барилга, Орон Сууц-2017” үзэсгэлэн яармаг 2017 оны 8-р сарын 25-наас 27-ны өдрүүдэд Мишээл Экспо төвд зохион байгуулагдана. Жил бүрийн намрын улиралд уламжлал ёсоор явагддаг уг үзэсгэлэнд барилгын материал үйлдвэрлэгчид, импортлогчид, дэвшилтэт технологи нэвтрүүлэгчид, орон сууц, хот тохижилт, интерьер, экстерьерийн үйлчилгээ үзүүлэгчид, амины орон сууц барьдаг гээд 130 гаруй компани оролцож, үйл ажиллагаагаа сурталчилдаг билээ. Барилгачдын баярын үеэр зохион байгуулагдах хамгийн том арга хэмжээ болох үзэсгэлэн яармагийг байр худалдан авахаар зорьж буй, амины орон сууцаа өөрсдөө барих гэж байгаа иргэд болоод барилгын материалаа авах гэж буй аж ахуйн нэгжүүд гээд 20,000 гаруй хүн үзэж сонирхдог.
Үзэсгэлэн яармагийн үеэр шинэ дэвшилтэт технологи танилцуулах, амины орон сууцаа өөрсдөө барих, инженерчлэл техникийн зөвлөмж өгөх олон сургалт арга хэмжээнүүд зохион байгуулагдана.
Иймд “Барилга, Орон Сууц 2017” үзэсгэлэн яармаг нь барилгын салбарт бизнес эрхлэгчдэдээ зорилтот зах зээл, хэрэглэгчдэд бүтээгдэхүүн үйлчилгээгээ маш бага зардлаар танилцуулан хүргэх алтан боломжийг олгож байна. Үзэсгэлэнд оролцсоноор та болон танай байгууллага маркетинг борлуулалт, сурталчилгааны зардлаа хэмнэж, нэг дороос олон хэрэглэгчид мэдээллээ хүргэхийн зэрэгцээ харилцагч, хамтрагч байгууллагынхаа хүрээг өргөжүүлэх боломжтой. “Барилга, Орон Сууц 2017” үзэсгэлэн яармагийг Барилга, хот байгуулалтын яам, Барилгын хөгжлийн төв, Нийслэлийн засаг даргын тамгын газрын харьяа байгууллагууд, төрийн бус мэргэжлийн байгууллагууд дэмжин ажиллаж байна.

Иймд барилгын салбарт бизнес эрхлэгч хэн бүхнийг “Барилга, Орон Сууц 2017” үзэсгэлэнд идэвхтэй оролцож, хамтран ажиллахыг урьж байна.